Inga Rún Björnsdóttir

Inga Rún Björnsdóttir - Sálfræðingur

Inga Rún lauk B.A. prófi í sálfræði frá Háskóla Íslands árið 2005 og meistaraprófi frá Kaupmannahafnarháskóla árið 2015. Faglegur bakgrunnur Ingu liggur innan taugasálfræði og klínískrar sálfræði. Inga Rún starfaði í taugasálfræðiþjónustu Landspítala, m.a. í heilaskaðateymi Grensáss við hugræna endurhæfingu og mat á hugrænum vanda. Hún starfaði einnig um árabil sem stundakennari í klínískri taugasálfræði við sálfræðideild HÍ.

Inga Rún starfar einnig sem sálfræðingur hjá Betri Svefni. Hún heldur fyrirlestra og námskeið fyrir fyrirtæki, vinnustaði, íþróttafélög, skóla og ýmis félagasamtök um mikilvægi svefns. Hún stýrir m.a. hópnámskeiðum Betri Svefns, veitir einstaklingsmeðferð og almenna ráðgjöf við svefnvanda. Jafnframt starfar Inga Rún einnig sem jógakennari.

Inga hefur sótt ýmsar vinnustofur í hugrænni atferlismeðferð/HAM (e. Cognitive Behavioural Therapy), HAM við svefnleysi, Acceptance and Commitment Therapy (ACT)  og fjölmargar alþjóðlegar ráðstefnur innan taugasálfræði og svefns.

Hjá Sálfræðiráðgjöfinni sinnir Inga Rún meðferð við svefnvanda, streitu, depurð, kvíða, þunglyndi, lágu sjálfsmati, sorg og missi, með aðferðum hugrænnar atferlismeðferðar og ACT. Einnig veitir hún ráðgjöf í hugrænni þjálfun, s.s. minnis- og skipulagstækni.

Heimasíða: www.inga.run