Guðmundur Sigurðsson

Guðmundur Sigurðsson

​

​

Ég lauk BSc-gráðu í sálfræði frá Háskóla Íslands árið 2019 og MSc-gráðu í klínískri sálfræði frá sama skóla árið 2022. Í náminu öðlaðist ég fjölbreytta klíníska reynslu undir handleiðslu reyndra sálfræðinga. Starfsnámið mitt fór fram hjá Geðhvarfateymi Landspítalans, þar sem ég tók meðal annars þátt í einstaklings- og hópmeðferðum við félagskvíða, þunglyndi og lágu sjálfsmati.  

​

Áður en ég útskrifaðist sem sálfræðingur starfaði ég á Öryggis- og réttargeðdeild Landspítalans og í búsetukjarna fyrir einstaklinga með geðrænan vanda. Eftir útskrift hef unnið á bráðamóttöku geðsviðs og Geðrofsteymi Landspítalans. Ég starfa nú sem sálfræðingur í þunglyndis- og kvíðateymi Landspítalans samhliða því að vera hjá Sálfræðiráðgjöfinni. 

​

Ég hef sérstakan áhuga á að styðja fullorðna og ungmenni sem glíma við þunglyndi, kvíða, félagsfælni og lágt sjálfsmat. Í minni vinnu legg ég áherslu á að skapa traust og öryggi, þar sem við vinnum markvisst að breytingum með gagnreyndum aðferðum úr hugrænni atferlismeðferð (HAM), í takt við þarfir og markmið hvers einstaklings. Ég hef einnig áhuga á meðferð við áfallastreituröskun (PTSD), og beiti þar hugrænni úrvinnslumeðferð (e. Cognitive Processing Therapy, CPT), sem er árangursrík aðferð til að vinna úr áfallareynslu.

​

Ég æfði fótbolta og körfubolta þegar ég var yngri og alltaf haft mikinn áhuga á íþróttum. Ég ákvað því að bæta við mig diplómu í íþróttasálfræði frá HR árið 2025. Með þeirri þekkingu aðstoða ég einstaklinga sem vilja bæta frammistöðu sína í íþróttum eða öðrum krefjandi aðstæðum, með áherslu á andlega færni, einbeitingu, sjálfstraust og bjargráð við streitu og álagi.

​

​